22:43, 04 Наурыз 2021 | GMT +6
Түркияның шығысында тікұшақ апатқа ұшырады
АНКАРА. ҚазАқпарат - Түркияның шығысында тікұшақ апатқа ұшырады, деп хабарлайды ҚазАқпарат Анадолы агенттігіне сілтеме жасап.
«Бейсенбі Түркияның шығысындағы Бингөл провинциясында тікұшақ апатқа ұшырады. Төрт әскери жарақат алып, тоғызы қаза тапты. Бұл туралы Түркияның Қорғаныс министрлігі хабарлады», делінген хабарламада.
Еске сала кетсек, 25 ақпанда осы провинцияның Карлыова ауданында магнитудасы 4,1 балдық жер сілкінісі болды. Жерасты дүмпулері жергілікті уақытпен сағат 12:48-де тіркелген. Ал оның ошағы 6,96 шақырым тереңдікте жатқан.