+7 (701) 759 90 19
USD 425.95 EUR 495.12
RUB 6 CNY 66.6
Jańalyqtar

Түркиядағы қазақтардың кіші құрылтайы: Мұстафа Өзтүрік саябағы ашылды

2021 жылғы 23 қыркүйек 19:50
Бөлісіңіз:
Түркиядағы қазақтардың кіші құрылтайы: Мұстафа Өзтүрік саябағы ашылды

НҰР-СҰЛТАН. ҚазАқпарат - Бүгін Түркияда (Ыстанбұл қаласы) Қазақстан Тәуелсіздігінің 30 жылдығына орай «Жаһандану өркениетіндегі қазақ әлемі» тақырыбында Қазақтардың кіші құрылтайы өтті.

Ұқсас жаңалықтар

Кіші Құрылтайды ҚР Ақпарат және қоғамдық даму миннистрлігінің қолдауымен «Отандастар қоры» Дүниежүзі қазақтары қауымдастығымен бірлесіп ұйымдастырды, деп хабарлайды ҚазАқпарат.

Қазақтардың кіші құрылтайының жұмысына Түркия мен Еуропа елдеріндегі қазақ қауымдарының, Қазақстанның мәдениет мекемелері мен жоғары оқу орындарының 100-ден астам өкілдері қатысты.

Шара жұмысының аясында шетелдегі қазақ диаспораларының өзекті мәселелері бойынша нәтижелі пікір алмасу болды.

Айта кету керек, Кіші құрылтайдың бағдарламасы көптеген мәдени-ағарту іс-шараларын қамтыды.

Ыстанбұл қаласының Бағдылжар ауданында белгілі спортшы Мұстафа Өзтүрік атындағы саябақтың ашылу салтанаты өтті.

Кіші құрылтайға қатысушылар үшін қазақстандық музейлер мен жоғары оқу орындары «Алтын тамырлы Атажұрт» көрме, сондай-ақ Түркиядағы қазақ диаспорасының жастары үшін «Білім көрмесінің» тұсаукесері ұйымдастырылды.

Сонымен қатар, шетелдік іскер қазақ қауымдастығымен кездесу барысында «Алыстағы ағайын» деректі фильмі көрсетілді.

Казақтардың кіші құрылтайы іс-шаралар бағдарламасы аясында Қарағанды облысынан келген Тәттімбет Қазанғапұлы атындағы Академиялық қазақ халық аспаптар оркестрінің қатысуымен гала-концерт ұйымдастырылды.

Іс-шараның қорытындысы бойынша қазақстандық тарап Кіші құрылтайға қатысушыларға Қазақ елінің мәдениеті, тарихы, Қазақстандағы қазіргі өмір туралы әдебиеттерді сыйға тартты.


Біздің каналымызға жазылыңыз:

Бөлісіңіз:
Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жарылқасын Саягүл
Жарылқасын Саягүл
954-059

MURAǴAT