14:40, 09 Мамыр 2018 | GMT +6
Түркияда 20 жаңа университет ашылады
АСТАНА. ҚазАқпарат - Түркия парламенті елде жаңа 20 университетті ашу туралы заң жобасын қабылдады, деп хабарлайды ҚазАқпарат Анадолы агенттігіне сілтеме жасап.
Жаңа заңға сәйкес, елде таяу уақытта 16 мемлекеттік және төрт жеке білім ордасы ашылады.
Жаңа мемлекеттік жоғары білім беру мекемелері Газыантеп, Конья, Кютахья, Малатья, Ыстанбұл, Анкара, Сакарья, Трабзон, Қайсери, Кахраманмараш, Эскишехир, Испарта және Афйонкарахисар қалаларында ашылмақ.
Жеке қордан Анкарадағы Медиполь университеті, Ыстанбұл Атласс университеті, Саманқанд ғылым және мәдениет университеті, Измирден Тыназтепе университетін ашу жоспарлануда.