04:03, 12 Шілде 2020 | GMT +6
Түркістандық кәсіпкер аудан ауруханасына оттегі аппараттарын сыйлады
ҚАЗЫҒҰРТ. ҚазАқпарат – Түркістан облысының Қазығұрт ауданында жеке кәсіпкер ауруханаға оттегі концентраторларын сыйлады, деп хабарлайды ҚазАқпарат.
Облыстық Өңірлік коммуникациялар қызметінен мәлім еткендей, жергілікті кәсіпкер Ерлан Досанбаев аудандық орталық ауруханаға 5 дана оттегі концентраторын тарту етті.
«Індеттің таралуына байланысты елдегі ахуал күрделеніп отыр. Науқастар ауруханаға көп келуде. Дәрігерлер күні-түні аянбай еңбек етіп жатыр. Құрылғының мүмкіндігі зор. Енді дәрігерлер емделушілерге оттегі концентраторының көмегімен уақытылы жәрдем көрсете алады», – деген аудандық аурухананың бас дәрігері Б.Ережепов қол ұшын созып жатқан кәсіпкерге ризашылық білдірді.