Түркістандағы «Әзірет Сұлтан» музейінде қуғын-сүргін құрбандарына арналған көрме ашылды

Көрмені тамашалаушылар сондай-ақ, тарихи суреттер, тұлғалар жайлы деректер, бұқаралық ақпарат құралдарында жарияланған мақалалармен таныса алады. Аталған шара барысында қазақ тарихындағы тұғыры биік тұлғалар жайлы қорық-музейдің ғылыми-зерттеу бөлімінің кіші ғылыми қызметкері Индира Джалишева баяндама оқып, әр жәдігердің құндылығы жөнінде ақпарат берді.
Құйтырқы саясаттың құрбанына айналған зиялылардың ауыр тағдыры жайлы қысқаметражды деректі фильм көрсетілді. Оны тамашалаған тұрғындар аға буынның көрген азабы таңбалы тарихтың төл беттерінде мәңгілік өшпейтінін жеткізді.
«Арыстарымыз атылып, асылып, жер аударылса да азат күннің ақ таңының сәулесіне жол ашып кетті. Әрбіріміз ұлт зиялыларын, жазықсыз шейіт болған халқымызды мәңгілікке ұмытпай, қадір тұтуымыз тиіс. Көрмеде тұрған әрбір тарихи мұра - елінің ертеңін көксеген тұлғаларымыздың өшпес іздері»,- деді «Әзірет Сұлтан» мемлекеттік тарихи-мәдени қорық-музейі директорының орынбасары Мұрат Тастанбеков.

Айта кетейік, аталған көрме бір ай көлемінде қойылмақ. Музейге келушілер мен кітапхана оқырмандары ондағы тарихтан сыр шертетін құнды жәдігерлермен осы уақыт аралығында таныса алады.