18:46, 26 Сәуір 2021 | GMT +6
Түркістан облысындағы Келес өзенінен заңсыз тас ұрлағандар ұсталды
ТҮРКІСТАН.ҚазАқпарат - Түркістан облысы, Келес ауданында жергілікті әкімдік пен полиция бөлімінің Табиғатты қорғау инспекциясы бірлесе рейд жүргізген. Аталған шара барысында Келес өзенінінен заңсыз тас ұрлаған тұрғындар анықталған, деп хабарлайды, ҚазАқпарат тілшісі.
Полиция тәртіп бұзушылардан 5 дана дроглайн көлігін тәркілеп, оны заңды шешім қабылданғанға дейін айып тұрағына қойған. Қоршаған ортаға келтірілген залалды бағалау үшін жиналған материалдар экология департаментіне жіберілген.
Жедел-профилактикалық іс-шара өткізу кезінде полиция қызметкерлері тарапынан ҚР ҚК 334-бабы «Жер қойнауын өз бетімен пайдалану» бойынша өткен жылы 21 әкімшілік құқықбұзушылық анықталып, тәртіп бұзушыларға 21 миллион теңгеге жуық әкімшілік айыппұл салынған.
Айта кетейік, жыл басынан бері осындай үш дерек анықталып, кінәлі тұлғаларға 500 мың теңгеге жуық айыппұл салынған.