15:05, 23 Қараша 2021 | GMT +6
Түркістан облысында Pfizer вакцинасы 9 мыңнан астам адамға салынды
ТҮРКІСТАН. ҚазАқпарат - Түркістан облысында 9 мыңнан астам оқушы мен жүкті және лактация кезеңіндегі әйелдерге «Pfizer» вакцинасы салынған. Бұл туралы облыстың бас дәрігері Марат Пашимов мәлімдеді, деп хабарлайды ҚазАқпарат тілшісі.
Марат Орынбасарұлының сөзінше, дәрігерлер жасөспірімдерді медициналық тексеруден өткізуде. Содан кейін қарсы көрсетілімдері болмаған жағдайда екпе егуде.
«Қазіргі уақытта облыс бойынша «Pfizer» вакцинасын қабылдағандар саны –9098 адамды құрайды. Оның ішінде 7005-і жасөспірімдер болса, 1424 жүкті және лактация кезіндегі 669 әйелдер. Мекемелерде профилактикалық жұмыстарды жүргізу үшін барлық жағдай жасалған. Екпе егетін медицина мамандары арнайы оқытудан өткен«,-деді облыстық Қоғамдық денсаулық басқармасының басшысы.
Айта кетейік, Түркістан облысына «Pfizer» вакцинасының 17550 дана мөлшеріндегі екінші партиясы жеткізілген болатын.
