+7 (701) 759 90 19
USD 419.54 EUR 509.2
RUB 5.72 CNY 64.81
Jańalyqtar

Түркістан облысында иіс тиіп уланған екі әйел көз жұмды

2020 жылғы 26 қараша 11:28
Бөлісіңіз:
Түркістан облысында иіс тиіп уланған екі әйел көз жұмды

ТҮРКІСТАН. ҚазАқпарат - Түркістан облысы Төлеби ауданында екі әйел иістен уланып қайтыс болды. Оқиға орнына жеткен жедел-құтқару тобы үйдегі газ қондырғыларының орнатылуы техникалық талаптарға сай емес екенін анықтаған, деп хабарлайды ҚазАқпарат тілшісі.

«ҚазТрансГаз Аймақ» АҚ баспасөз қызметінің мәліметінше, қайғылы жағдай Төлеби ауданының орталығы Леңгір қаласында тіркелген.

Бүгін түнгі сағат 01:40 кезінде апаттық-диспетчерлік бөлімге жергілікті үйлердің бірінде екі әйелдің қайтыс болғаны туралы хабарлама келіп түскен.

Олар - 1971және 1973 жылы туған жергілікті тұрғындар.

Тұрғын үйдегі газ құрылғыларын тексерген мамандар көмір жағатын пеші бар моншаның дәретханасына «KLIMA» маркалы газ су жылытқышы мен «VANS» жылыту қазандығы орнатылғанын анықтаған.

Ал негізі мұндай бөлмелерге газ су жылытқышын орнатуға тыйым салынады. Оның үстіне су жылытқыштың және жылыту қазандығының мұржасы шатыр арқылы сыртқа шығарылған.

«Төтенше жағдай жөніндегі арнайы топ су жылытқыштың клапанын жауып, газ беруді тоқтатты. Тиісті акті толтырылып, қазір қайғылы оқиғаның мән-жайы анықталып жатыр» делінген хабарламада.

Айта кетейік, бұған дейін 23 қараша күні Сайрам ауданында 13 жасар жасөспірім иіс тиіп уланып, бақилық болған еді. Ал ел бойынша газдан уланудың 28 дерегі тіркеліп, 36 адам көз жұмған.


Біздің каналымызға жазылыңыз:

Бөлісіңіз:

Автор:

Айнұр Ақбаева

Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT