+7 (701) 759 90 19
USD 419.54 EUR 509.2
RUB 5.72 CNY 64.81
Jańalyqtar

Түркістан облысында халықтық жоба жүзеге асырылуда

2020 жылғы 23 қараша 23:08
Бөлісіңіз:
Түркістан облысында халықтық жоба жүзеге асырылуда

ТҮРКІСТАН. ҚазАқпарат – Елімізде алғаш болып халықтық жоба жұмысы Түркістан облысында жүзеге асуда. Биыл маусым айынан бері қолға алынған жобада облыс орталығындағы бос жатқан жерлерді тұрғындар игілігіне пайдалану жұмыстары атқарылуда, деп хабарлайды ҚазАқпарат тілшісі.

Аталған жобаға қала тұрғындары мен қалалық әкімдік өкілдері, архитектор, дендролог, урбанист және өзге де кәсіби мамандар бірлесе отырып жұмыстар атқарып келеді. Нәтижесінде бұрын қараусыз қалған жер учаскелерінің орнына балалар ойын алаңдары мен қарияларға арналған демалатын орындар, жастарды салауатты өмір салтына үйрету үшін түрлі спорттық алаңшалар салынды. Халықтық жоба негізінде аула тұрғындарымен бірлесе отырып іске асырылған 7 учаскеде айтарлықтай оң өзгерістер орын алған. Қала тұрғындары мен қонақтарына демалу орындары жасалды. Көшелерге жарықшамдар орнатылып, шатырлы орындықтар қойылған. Ал, Қызылорда тас жолы бойын абаттандыру үшін Шығыс бөлігінің 1,62 га жерді алып жатқан аумағында көгалдандыру жұмыстары жүргізілген. 13 азамат жұмыс істеген аумақта 50 дана жарық шам, 20 дана орындық пен 4 жерге шатырлы аткеншек орындық қойылған. Талапқа сәйкес ойын алаңшалары, футбол, баскетбол ойын алаңдары салынуда. Жергілікті тұрғындардың қалауы мен қажеттілігі ескеріле отырып салынған демалыс орындарының маңына ағаштар да егілуде. Жасыл желекті күтіп-баптауға қала тұрғындары да ниет білдіріп отыр.


Біздің каналымызға жазылыңыз:

Бөлісіңіз:

Автор:

Айнұр Ақбаева

Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059

MURAǴAT