Түркістан облысында 110 балаға қамқорлық жасады
Сайрам ауданының орталығындағы орта мектепте қайырымдылық шарасы ұйымдастырылып, онда мұқтаж отбасынан шыққан 110 балаға көмек көрсетілді.
Аудан әкімінің орынбасары Мадияр Оразалиевтің қатысуымен өткен шарада 52 отбасының балаларына қажетті киім-кешек табысталды. Аталған акцияға Шымкент қалалық мəслихатының депутаты Хусанхан Ахматхановтың ұйытқы болуымен, Кувейт қаласының Дүниежүзілік ислам қайырымдылық қорының басшылары Әлван Ясер Мохамед Әли мен Бадр Саиуд Әл-Сумайт мырзалар демеушілік жасаған.
«Қайырымдылық – игіліктің бастауы, жақсылықтың нышаны. Бұл өсіп келе жатқан жастарымыздың алаңсыз білім алуына, сонымен қатар болашағы жарқын болуына септігін тигізетіні сөзсіз. Бұл игі бастама ауданымызда әрі қарай жалғасын табатынына сенімімiз мол», - деді Мадияр Оразәлиев.
