Түркістан облысы агроөнеркәсіп кешенінің саны бойынша көш бастап тұр

2020 жылдың қаңтарына дейін Қазақстанда ауыл шаруашылығы өнімдерін өндіруші ретінде 17,4 мың заңды тұлға, филиалдар мен өкілдіктер тіркелді. Сектордағы компаниялар санының жылдық өсімі 5,3% құрады.

Сондай-ақ, республикада 219,4 мың шаруа және фермер қожалығы (жылдық өсім - 8,1%) және ауылдарда, елді мекендерде және ауылдық округтерде 1,6 млн үй шаруашылығы (жылдық өсім - 0,2%) тіркелген.

Олардың ішінде 13,9 мың заңды тұлға, филиал мен өкілдік (жылдық өсім - 7,5%) және 211,7 мың шаруа және фермер қожалығы (жылдық өсім - 7,7%) белсенді ауылшаруашылық өндіруші саналады.

Жұмыс істеп тұрған заңды тұлға, филиалдар мен өкілдіктердің ең көбі Түркістан, Ақмола және Алматы облыстарында орналасқан.

Фермалар мен шаруа қожалықтары Түркістан, Алматы және Жамбыл облыстарында көп шоғырланған.

Өткен жылдың қаңтар-желтоқсанында ауылшаруашылық өнімінің жалпы көлемі 5,2 трлн теңгені құрап, нақты көлемнің өсімі 0,9% болды.

Жалпы өнім көлемі бойынша ТОП-үштікке Алматы (852 млрд теңге), Солтүстік Қазақстан (631,9 млрд теңге) және Түркістан (627,5 млрд теңге) облыстары енген.