+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

Түркістан қаласында күш-қуат құрылымдарына жаңа ғимараттар салынып жатыр

2021 жылғы 27 шілде 13:04
Бөлісіңіз:
Түркістан қаласында күш-қуат құрылымдарына жаңа ғимараттар салынып жатыр

ТҮРКІСТАН. ҚазАқпарат - Түркістан қаласында облыстың күш құрылымдары мен құқық қорғау органдарының қызметкерлері үшін жаңа ғимараттар салынып жатыр.

Ұқсас жаңалықтар
Құрылыс компанияларына маман даярлауға тікелей атсалысу ұсынылды Сарапшы құрылыс саласында білікті мамандардың неге аз екенін айтты Құрылыс саласында 242 мың маман тапшы

Әкімшілік-іскерлік орталықта орналасқан мемелеттік нысандарды облыс әкімі Өмірзақ Шөкеев аралап көріп, ондағы құрылыс жұмыстарының барысымен танысты, деп хабарлайды ҚазАқпарат тілшісі.

Атап айтқанда Мемлекеттік кірістер департаменті ғимаратының құрылысы аяқталуға жақын. Нысанның жалпы аумағы 9 мың шаршы метрді құрайды. Қазір сыртқы абаттандыру жұмыстары және ішкі құрал-жабдықтарын орнату жұмыстары жүргізілуде. Сәулетті ғимарат жақын күндері пайдалануға беріледі деп жоспарланып отыр. Төтенше жағдайлар департаменті мен «Өрт сөндіру-құтқару қызметі» мемлекеттік мекемесі үшін әкімшілік ғимарат, 4 автокөлік сыятын өрт сөндіру бекетінің құрылысы да қарқынды жүріп жатыр. Жаңа нысан қыркүйек айында пайдалануға берілмек. Қазір ішкі әрлеу жұмыстары мен абаттандыру жұмыстары жүріп жатыр.

Мамыр айында басталған облыстық прокуратура ғимаратының құрылысы келер жылы аяқталмақ. Жеті қабатты ғимараттың бүгінде іргетасы қаланған. Техникалық орынжайлардың бетон құю жұмыстары жүргізілуде. Облыс әкімі Ұлттық қауіпсіздік комитеті ғимаратының құрылыс алаңында да болды. Мұнда қазір бетон қаңқаларын құю, жабын платаларын орнату жұмыстары жүзеге асырылуда. Нысан жыл соңына дейін пайдалануға беріледі деп жоспарланған.

Сонымен қатар Полиция департаментінің «Жедел басқару орталығының» ғимараты өткен жылдың қыркүйек айында басталған болатын. Қазір құрылыс-монтаж жұмыстары атқарылып жатыр. Сондай-ақ Түркістан қаласында 470 адамға арналған Полиция департаменті ғимаратының құрылысы жүріп жатыр. Бірнеше блоктан тұратын нысанның қабырғасы қаланып, уақытша ұстау изоляторы мен спорт аумағы салынуда. Полиция қызметкерлері жаңа ғимаратқа келер жылы көшеді деп жоспарланып отыр.


Біздің каналымызға жазылыңыз:

Бөлісіңіз:

Автор:

Айнұр Ақбаева

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жарылқасын Саягүл
Жарылқасын Саягүл
954-059

MURAǴAT