17:38, 30 Қараша 2019 | GMT +6
Тұңғыш Президент күніне орай елордада мерекелік отшашу болады
НҰР-СҰЛТАН. ҚазАқпарат - Тұңғыш Президент күніне орай 1 желтоқсан күні елордада мерекелік отшашу болады, деп хабарлайды ҚазАқпарат қала әкімдігінің медиа орталығына сілтеме жасап.
«Отшашуды қала тұрғындары мен қонақтары Есіл өзенінің жағалауында (Сарыарқа ауданы, Орталық саябақ), Хан-шатыр сауда орталығы маңында, сондай-ақ Абылай хан даңғылы мен Пушкин көшесі қиылысында тамашалай алады» делінген хабарламада.
Қала әкімдігінің мәліметінше, аталмыш шараға бюджеттен қаражат бөлінбеген.
Отшашу жергілікті уақытпен кешкі сағат 21:00-де ұйымдастырылады.