Түлкібастық ұстаздар династиясы өз таңдауын жасады
Бердіхановтар отбасында 4 бірдей ұстаз бар. Отағасы Құрманғазы ауылының мектебінде физика-математика пәнінен сабақ береді. Жары Ғазия – физика пәнінің мұғалімі. Ұлы Сұлтанғазы математика, ал келіні Арайлым химия пәнін оқытады.
Құрманғазы Бердіхановтың айтуынша, әр қазақстандықтың бұл референдумдағы таңдауы – ел болашағы үшін маңызды қадам. Себебі, көптің таңдауына қарай елдің ертеңгі тағдыры шешілмек.
Жалпы, түлкібастықтар күннің ыстығына қармастан, рефрендумға белсенді қатысып жатыр.
Айта кетсек, Түркістан облысы Мақтаарал ауданының 85 жастағы тұрғыны Жандарбек Жүсіпов алғашқылардың бірі болып дауыс берген еді.
Сондай-ақ, дауыс беруші арыстық тұрғын шашу шашса , сарыағаштық зейнеткерге шапан жабылды.
Ал, ғасыр жасаған Арыс қаласының тұрғыны Рысалды Бейсенбаева немерелерін ерте келді.