Түлкібаста саятшылық өнерді насихаттайтын «Салбурын» фестивалі өтті
«Салбурын - мереке ғой саятшыға» атты шарада сондай-ақ, облыстық тарихи-өлкетану және бейнелеу өнері музейлері этнографиялық көшпелі көрме ұйымдастырды. Онда музейлер қорындағы атбегі, құсбегі, саятшылық, аңшылық тақырыптарындағы жəдігерлер мен суреттер қойылды.
Шара аясында бүркіт баптау мен құмай тазыларды аңшылыққа баулу, аңға салу жайында ой-пікірлер айтылып, іс жүзінде ел алдында көрсетілді. Оңтүстік өңіріне белгілі құсбегілер өз кәсіптерінің қыр-сыры туралы әңгімелеп, саятшылық дәстүр туралы толғандырған сұрақтарға жауап берді.
Айта кетейік, Салбурын - қазақтың қысқы мерекелік дәстүрлерінің бірі. Қыс маусымында аңшылар мен саятшылар топталып, бірнеше күнге аң аулауға шығады. Саятшылыққа жаны құмар қазақтар үшін қан сонарда аңға шығу, одан олжалы оралу қысқы мереке ретінде танылған.
