19:45, 20 Шілде 2017 | GMT +6
Тотықұс күйеуін атқан әйелдің қылмысын ашуға көмектесті
АСТАНА. ҚазАқпарат - АҚШ-тағы Мичиган штатының Сэнд Лэйк қаласында 49 жастағы Гленна Дарэм 2015 жылы өзінің күйеуі Мартинді тапаншамен бес рет атып өлтіреді, кейін өз-өзіне қол жұмсағанымен, онысы сәтсіз аяқталған.
Бұл қайғылы жағдайдың жалғыз куәгері ерлі-зайыптыға тиесілі Бад есімді-тотықұс-жако болды, деп хабарлайды Sun.
Құсты Мартиннің бұрынғы әйелі Кристина Келлер алған. Тотықұс жаңа қожайынының үйінде адам өлтіру сәтінде есіне сақтап қалған сөздерді ұдайы қайталайтын болған. Әсіресе, Бад екі түрлі дауыспен «Құрып кет!», «Мен қайда барамын?» және «Атпа!» деген сөздерді үнемі айтып жүрген.
Гленна Дарэмның ісі бойынша сот отырысы барысында оның сөздері әйелге қарсы дәлелдердің бірі болды. Әйел бірінші дәрежедегі адам өлтіру бойынша айыпты деп танылды.