+7 (701) 759 90 19
USD 418.41 EUR 507.95
RUB 5.69 CNY 64.76
Jańalyqtar

Токио олимпиадасының жолдамасын жеңіп алғым келеді – Назым Қызайбай

2020 жылғы 29 қараша 13:15
Бөлісіңіз:
Токио олимпиадасының жолдамасын жеңіп алғым келеді – Назым Қызайбай

НҰР-СҰЛТАН. ҚазАқпарат – Шымкент қаласында әйелдер арасында бокстан ел чемпионатының финалдық бәсекесі өтіп жатыр, деп хабарлайды ҚазАқпарат тілшісі.

Әйелдер арасында шаршы алаңға алғашқы болып шыққан Жамбыл облысының өкілі Алуа Балқыбекова 48 кг салмақта елордалық Арайлым Маратты жеңіп, чемпион атанды.

Олимпиадалық салмақ болып есептелетін 51 келіде алматылық Назым Қызайбай шаршы алаңдағы негізгі қарсыласы, шымкенттік Ангелина Лукастан басым түсіп, жеңіс тұғырына көтерілді.

Тағы бір олимпиадалық салмақ – 57 келіде қостанайлық Владислава Кухта тәжірибелі қарсыласы, қарағандылық Айжан Ходжабекованы ұтып, жеңімпаз атанды.

54 кг салмақта Алматы облысының өкілі Балауса Мұздиманды ұтқан ақмолалық Дина Жоламан оныншы мәрте ел чемпионы атанды.

Қазақстан тарихында қыздар арасында тұңғыш рет әлем чемпионы атанып, содан кейін тағы бір мәрте топ жарса да, Н. Қызайбайға бұған дейін олимпиадаға қатысу бақыты бұйырмаған еді.

Назым жекпе-жектен кейінгі сұхбатында Токио олимпиадасының жолдамасын жеңіп алып, ел мерейін үстем ету үшін барын салатынын мәлімдеді.

Финалдық бәсеке одан әрі жалғасуда.

Еске сала кетейік, бұдан бұрын финалға шыққан боксшылардың анықталғанын жазған болатынбыз.


Біздің каналымызға жазылыңыз:

Бөлісіңіз:

Автор:

Елжан Ералы

Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT