Токио-2020: рак дертін жеңген оңтүстіккореялық таеквондошы қола медаль еншіледі

80 келіден жоғары салмақта ерлер арасындағы қола үшін болған бәсекеде словениялық Иван Конрад Трайковичті 5-4 есебімен жеңген Йинг оның бұл жетістігі қатерлі ісікпен күрескен басқа адамдарды жігерлендіреді деп есептейді.

2014 жылы оған 22 жасында лимфома диагнозы қойылды. Келесі жылы Ин Кё-дон жарысқа қайта оралды. Ал 2019 жылдың жазында дәрігерлер оның қатерлі ісіктен толық жазылғандығын мәлім етті.

«Мен ол кезде Олимпиада ойындары деген сөзді тіпті ойыма да алмаған едім», - деді Инг Токионың шығысындағы Чибадағы А Makuhari Messe залында. «Олимпиада медалін алу үшін ұзақ жолдан өттім. Менің бұл жетістігім қатерлі ісікпен күресіп жатқан сырқаттарды шабыттандырады деген сенімдемін».

Олимпиададағы алғашқы дебютін 29 жасында, өзге ойыншылардан кешірек өткізген о л алтын болмаса да, өз медалін әлдеқайда жоғары бағалайтынын айтты.

«Мен жартылай финалда ұтылдым, бірақ қолымнан келгеннің бәрін жасадым», - деді Инг. «Бұған еш өкінбеймін».

Сондай-ақ ол Токио Олимпиадасы өзінің алғашқы және соңғы жарысы екендігін жеткізді.