Тоқаев: ШЫҰ-дағы ортақ талпыныс – «бәрі де адамдар» үшін деген мақсатқа бағытталуы керек

«Геоэкономика саласында екі полярлық тенденцияның – жаһандану мен ұлтшылдықтың қайшылығын көріп отырмыз. БҰҰ мәліметтеріне сәйкес, әлемдік экономиканың құлдырауы 2020 жылдың қорытындысы бойынша 4,4 пайызға жетеді. Халықаралық туристердің ағымы шамамен 70 пайызға дейін қысқарады. Тікелей инвестициялар ағымының көлемі 40 пайызға дейін құлдырайды. Осындай жағдайда біз маңызды мәселелер бойынша тиімді шешім қабылдауымыз керек. ШЫҰ-ны біздің азаматтардың түпкілікті мүддесі үшін қиын жағдайға бейімдей аламыз ба? Шанхайлық рух және үйлескен жауаптарды іздеудегі өзара сыйлы тәжірибе – түбінде осынау ауқымды мәселені шешуге көмектесетініне сенемін», - деді Қасым-Жомарт Тоқаев.

Президент «Қазақстан ортақ талпыныс – «бәрі де адамдар» үшін деген мақсатқа жету үшін жұмсалуы керек» деп есептейтінін айтып өтті.

«Дәл осы мақсаттан пандемия мен басқа да тегеуріндердің алдындағы біздің ұжымдық иммунитетіміздің бекитінін көріп отырмыз», - деді ол.

Айта кетсек, Мемлекет басшысы Қасым-Жомарт Тоқаев видеоконференция режимінде өтіп жатқан Шанхай Ынтымақтастық ұйымына мүше мемлекеттер басшылары кеңесінің отырысында қатысуда.