+7 (701) 759 90 19
USD 424.49 EUR 504.51
RUB 5.59 CNY 64.57
Jańalyqtar

Теннисші Елена Рыбакина Чехиядағы турнирде ұтылып қалды

2020 жылғы 20 қазан 19:57
Бөлісіңіз:
Теннисші Елена Рыбакина Чехиядағы турнирде ұтылып қалды

НҰР-СҰЛТАН. ҚазАқпарат – Қазақстанның бірінші, әлемнің 19-ракеткасы Елена Рыбакина Острава (Чехия) WTA турнирінің екінші айналымына шыға алмады, деп хабарлайды ҚазАқпарат тілшісі.

Осы доданың 6-ракеткасы болып тіркелген Е.Рыбакина алғашқы айналымда дүниежүзілік рейтингте 75-орында тұрған ресейлік Дарья Касаткинамен кездесті.

Бірінші партияда қазақстандық теннисші брейк жасап, 2:0 есебімен алға шыққанымен, қарсыласы бұдан кейін қатарынан алты геймді алды – 6:2.

Есесіне екінші сетте Д.Касаткина брейкпен бастағанымен, Е.Рыбакина содан соң төрт геймді өз пайдасына жазды – 4:1. Ақыры оны сәтті аяқтай білді – 6:3.

Үшінші, шешуші партияда ресейлік спортшы брейкпен алға кетті – 3:1. Сол басымдылығынан айырыла қойған жоқ – 6:3.

Тартысты бәсеке 1 сағат 52 минутқа созылды.

Д.Касаткина жүлде қоры 528,5 мың АҚШ долларына бағаланған турнирдің ширек финалына шығу үшін әлемнің 26-ракеткасы, биылғы US Open турнирінің жартылай финалисі, америкалық Дженнифер Брэйди немесе рейтингте 29-сатыдағы Украинаның 20 жастағы жұлдызы Даяна Ястремскаяның біреуімен таласады.

Еске сала кетейік, бұдан бұрын Александр Бубликтің үздік елу теннисшінің қатарына қайта кіргенін жазған болатынбыз.


Біздің каналымызға жазылыңыз:

Бөлісіңіз:

Автор:

Елжан Ералы

Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059

MURAǴAT