Теннис: Путинцева Аустралия чемпионатының төртінші айналымына шыға алмады

None
None
НҰР-СҰЛТАН. ҚазАқпарат - Қазақстандық Юлия Путинцева Аустралия ашық чемпионатының төртінші айналымына шыға алмады, деп хабарлайды ҚазАқпарат тілшісі.

Рейтингте 38-орында тұрған қазақстандық спортшы әлемнің бұрынғы бірінші, қазіргі үшінші ракеткасы, румыниялық Симона Халеппен ойнады.

Бірінші партияда румыниялық спортшы айқын басымдылық көрсетті - 6:1.

Есесіне екінші сет әлдеқайда тартысты өрбіді. Қарсыластар брейк те алмасты. Дегенмен матчқа доп бергенде, Симона мүмкіндігін жіберген жоқ - 6:4.

Бәсеке 1 сағат 17 минутқа созылды.

Еске сала кетейік, бұдан бұрын А.Бублик пен М.Кукушкин жұбының үшінші айналымға өткенін жазған болатынбыз.




Соңғы жаңалықтар