Теннис: Нұр-Сұлтан 2 турнирі қазақстандықтар үшін сәтсіз өтіп жатыр

НҰР-СҰЛТАН. ҚазАқпарат – Елордада теннистен Forte Challenger 125 турнирі қазақстандықтар үшін сәтсіз өтуде, деп хабарлайды ҚазАқпарат тілшісі.

Ұқсас жаңалықтар

Қазақстандық теннисшілер Хорватиядағы турнирдің жеңімпазы атанды

Теннис: Недовесов пен Голубев Хорватиядағы турнирдің финалына шықты Теннис: Ролан Гаррос турнирі бір аптаға кейін шегерілді Теннис: Путинцева Чарльстон турнирінің үшінші айналымына шықты

Әлемнің 96-ыншы, осы доданың 3-ракеткасы Михаил Кукушкин дүниежүзілік рейтингте 179-орында тұрған португалиялық Фредерико Феррейра Сильвамен кортқа шықты.

Бұл ойында М.Кукушкин қарсыласына 3:6, 5:7 есебімен есе жіберді. Ол бір апта бұрын да елордадағы осындай турнирде алғашқы айналымнан аса алмаған болатын.

Тағы бір қазақстандық Денис Евсеев жапониялық Татсума Итодан 4:6, 6:2, 3:6 есебімен ұтылды.

Жексенбі күні төрт бірдей қазақстандық іріктеу сайыстарында-ақ жолдан шығып қалды.

Ертең қазақстандықтар Тимофей Скатов пен Дмитрий Попко өзара кездесіп, қай жеңгені екінші айналымға шығады.

Сондай-ақ Александр Недовесов жарысқа іріктеу сайыстарынан кейін қосылған украиналық Владислав Манафовтың шамасын байқап көреді.

Д.Евсеев өзбекстандық аттасы Денис Истоминмен бірге жұптық сында осы доданың 1-ракеткалары, америкалықтар Джексон Уизроу – Натаниэл Лэммонспен шеберлік байқасады.

Нұр-Сұлтан 2 турнирі 7 наурызда мәреге жетеді.

Еске сала кетейік, бұдан бұрын А.Бубликтің рейтингіде 43-орынға көтерілгенін жазған болатынбыз.