Теннис: Қазақстандық Елена Рыбакина Палермо турниріне қатысады

None
None
НҰР-СҰЛТАН. ҚазАқпарат – Палермо (Италия) турнирін ұйымдастырушылар қатысушылардың алдын ала тізімін жария етті, деп хабарлайды ҚазАқпарат тілшісі.

Жүлде қоры 250 мың АҚШ долларынан асатын аталған дода 3-9 тамыз аралығында өтеді.

Қатысушылар арасында Қазақстанның бірінші, әлемнің 17-ракеткасы Елена Рыбакина бар.

WTA жарысына сондай-ақ әлемнің 11-ракеткасы Арина Соболенко (Беларусь), Даяна Ястремская (Украина), Маркета Вондроушова (Чехия), Анастасия Севастова мен Елена Остапенко (екеуі де Латвия), Ализе Корне (Франция), Екатерина Александрова, Светлана Кузнецова, Вероника Кудерметова, Дарья Касаткина (бәрі де Ресей) және басқа теннисшілер қатысатынын мәлімдеді.

Бұл індетке байланысты биылғы наурызда тоқтатылғаннан кейінгі алғашқы ірі турнир болмақ. Содан кейін үш Мастерс, US Open және «Ролан Гаррос» жарыстарын өткізу жоспарланып отыр.

Еске сала кетейік, бұдан бұрын теннистен Дэвис және Федерация кубогының финалы келесі жылға қалдырылғанын жазған болатынбыз.


Соңғы жаңалықтар