16:17, 16 Қаңтар 2021 | GMT +6
Теннис: Денис Евсеев Түркиядағы турнирдің финалында ұтылып қалды
НҰР-СҰЛТАН. ҚазАқпарат - Қазақстандық Денис Евсеев жұптық сында украиналық Владислав Орловпен бірге Анталиядағы ITF турнирінің финалында ұтылып қалды, деп хабарлайды ҚазАқпарат тілшісі.
Осы турнирдің 1-ракеткасы болып тіркелген қазақстандық-украиналық жұп финалда аргентиналықтар Педро Качин мен Хуан Мануэль Черундоломен кездесті.
Доданың 2-ракеткасы болып тіркелген аргентиналықтар 7:5, 6:2 есебімен ұтып кетті.
Жарыстың жүлде қоры 15 мың АҚШ доллары болатын.
Еске сала кетейік, бұдан бұрын Д.Евсеевтің Түркиядағы турнирдің финалына шыққанын, Қарағандыда республикалық жарыстың мәреге жеткенін жазған болатынбыз.