+7 (701) 759 90 19
USD 430.69 EUR 518.42
RUB 5.66 CNY 66.17
Jańalyqtar

«Теңізшевройлдан» экологиялық заңнаманы бұзғаны үшін 726 млн-нан астам теңге өндірілді

2021 жылғы 26 ақпан 15:02
Бөлісіңіз:
«Теңізшевройлдан» экологиялық заңнаманы бұзғаны үшін 726 млн-нан астам теңге өндірілді

АТЫРАУ. ҚазАқпарат – «Теңізшевройлдан» экологиялық заңнаманы бұзғаны үшін 726 млн-нан астам теңге өндірілді, деп хабарлайды ҚазАқпарат.

Ұқсас жаңалықтар
2025 жылы ел халқы 100 пайыз сумен жабдықтауға қол жеткізеді Нұр-Сұлтан көшелері арнайы сусабынмен жуылады Ақпанда із-түзсіз жоғалған атыраулық жігіттің денесі табылды

Атырау облысы бойынша экология департаменті баспасөз қызметінің мәліметінше, бұған дейін «Теңізшевройл» ЖШС-не қатысты экологиялық заңнаманың сақталуы бойынша бақылау субъектісіне (объектісіне) бару арқылы профилактикалық бақылау және жоспардан тыс тексеру жүргізілген. Нәтижесінде компания тарапынан қоршаған ортаға ластаушы заттар шығарындыларын, оның ішінде алау қондырғыларында газ жағу салдарынан нормативтен тыс эмиссиялар жүзеге асырылғаны анықталған.

«Осыған байланысты «Теңізшевройл» ЖШС-не еліміздің экологиялық заңнамасын бұзу нәтижесінде келтірілген залалдарды өтеу туралы 145 988 808 теңге, 60 985 880 теңге және

519 477 172 теңге көлемінде нұсқамалар берілді. Алайда, «Теңізшевройл» ЖШС тарапынан жоғарыда көрсетілген нұсқамалар ерікті түрде орындалмады. Сол себептен,департамент Нұр-Сұлтан қаласының сотына «Теңізшевройл» ЖШС-нен мемлекет кірісіне залалдарды өндіріп алу туралы талап арызбен жүгінді. Нұр-Сұлтан қалалық сотының 2020 жылғы 21 қазандағы және 2 қарашадағы шешімдерімен департаменттің «Теңізшевройл»

ЖШС-не қатысты талап арыздары қанағаттандырылды», -деп хабарлады департаментттің баспасөз хатшысы Аслан Жеңісұлы.

«Теңізшевройл» ЖШС сот шешімдерімен келіспеген. Сөйтіп, департаменттің нұсқамалары мен сот шешімдерінің күшін жою, талап-арыздарды қанағаттандырудан бас тарту, жаңа шешімдерді қабылдау туралы апелляциялық шағым берген. ҚР Жоғарғы

Сотының мамандандырылған сот алқасы «Теңізшевройл» ЖШС-нің апелляциялық шағымдарын қанағаттандырудан бас тартқан. Сот шешімдері заңды күшіне енді. «Осылайша, «Теңізшевройл» ЖШС-нен жалпы сомасы 726 451 860 теңге көлемінде жоғарыда аталған залалдар мемлекет кірісіне өндіріп алынды», -деді Аслан Жеңісұлы.

Еске сала кетелік, бұдан бұрын күкірті мол газды жаққан «Ембімұнайгаз» АҚ-дан 1,3 млрд теңге өндірілгенін жазған болатынбыз.


Біздің каналымызға жазылыңыз:

Бөлісіңіз:

Автор:

Бек Мұстафа

Ұқсас жаңалықтар
Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT