+7 (701) 759 90 19
USD 433.15 EUR 515.06
RUB 5.61 CNY 66.06
Jańalyqtar

Теңіз кенішінде 5 автобустың өртенуі: Оқиға себебі анықталды

2021 жылғы 6 наурыз 02:14
Бөлісіңіз:
Теңіз кенішінде 5 автобустың өртенуі: Оқиға себебі анықталды

АТЫРАУ. ҚазАқпарат – Атырау облысының Теңіз кенішінде 5 автобустың өртену себебі анықталды, деп хабарлайды ҚазАқпарат тілшісі.

Ұқсас жаңалықтар
Қызылордада өртенген пәтерден жеті адам құтқарылды Павлодар облысында жолаушылар толы автобус өртенді Семейде құтқарушылар отқа оранған үйден 2 газ баллонын алып шықты

Бұған дейін Жылыой ауданында орналасқан Теңіз кенішінде 5 автобус өртеніп кеткенін жазған едік.

«ССЕР» компаниясы баспасөз қызметінің мәліметінше, қызметтік автобустар Теңіз вахталық қалашығындағы тұраққа сағат 19:00-де келіп, жолаушылар түсірілгеннен кейін қозғалысты тоқтатқан. Тұраққа қойылған автобустардың бірінің мотор бөлігінен шыққан өртті «ССЕР» компаниясының сигнал беруші қызметкері байқаған.

«Алғашқы қызметтік тексеріс көрсеткендей, сигнал беруші артқы жақта тұрған автобустардың бірінің қозғалтқыш бөлігінен шыққан түтінді байқаған. Нұсқаулыққа сәйкес, ол дереу кезекшіге хабарлаған. Оқиға орнына «ССЕР» компаниясының өрт сөндіру командасы, сондай-ақ «Теңізшевройл» компаниясының апатқа қарсы құрамының (ПАС) қызметкерлері мен үш арнайы техникасы жедел жетті», - деп хабарлады компанияның баспасөз қызметінен.

Алайда, секундына 15-20 метр күшпен соққан желдің екпінімен жалын жақын маңдағы автобустарға тез тараған. Соның салдарынан 5 автобус өртенген.

«Сағат 21.00-де өрт толығымен өшірілді. Қаза болғандар мен зардап шеккендер жоқ. Өрт сөндірілгеннен кейін оқиға орны қоқыстардан тазартылды. Компания қызметкерлері штаттық режимде қайта жұмыс істей бастады.

Сарапшылардың пікірінше, өрттің тұтануына автобустың мотор бөлігіндегі электр сымдарының қысқа тұйықталуы себеп болған. Өрттің нақты себебін «ССЕР» компаниясы «Теңізшевройл» және мемлекеттік органдар өкілдерімен бірлесіп құрған жұмысшы комиссия анықтайды», - деп мәлім етті компаниядан.

Ақпаратқа сүйенсек, қызметтік автобустар күн сайын рейске шығар алдында тексерістен өтіп тұрады. Бұдан бөлек, «Теңізшевройл» компаниясының талабына сәйкес, белгіленген мерзімде міндетті техникалық байқаудан өтеді.


Біздің каналымызға жазылыңыз:

Бөлісіңіз:

Автор:

Бек Мұстафа

Ұқсас жаңалықтар
Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT