Теміртаудағы жылу-электр орталығында өрт шықты
«Арселор Миттал Теміртау» АҚ депараментінің ақпаратынша, 21 сəуірде сағат 18:25 кезінде компанияға тиесілі ЖЭО-БАС-та (жылу-электр орталығы – бу ауа үрлеуші станса) түтінтартқы бөлімінің шатыры өртенді.
Қазіргі мәліметке қарағанда, өрттің шығуына ЖЭО-БАС стансасының шатырындағы газ құбырын жөндеу жұмыстары себеп болуы мүмкін.
Сағат 18:45 өрт ауыздықталып, түтін сейілді. Тексеру барысында адамдар зардап шекпегені,сондай-ақ құрал-жабдық пен техникаға зақым келмегені анықталды. Өрт сөндіруді жеңілдету үшін №7 қазандық уақытша тоқтатылды.
Қазіргі мезетте станса қалыпты жағдайда жұмыс істеуде
«Өрт шыққан жерге Экология департаментінің зертханалық-талдамалық бақылау мамандары жеткізіліп, санитарлық-қорғау аймағы шекарасындағы атмосфералық ауа сынамасы алынды. Оның нəтижесі туралы қосымша хабарлайтын боламыз»,-делінген министрлік хабарламасында.
фото:instagram/temirtau.times