09:21, 17 Желтоқсан 2019 | GMT +6
Тәуелсіздік күні елордада 55 сәби өмірге келді
НҰР-СҰЛТАН. ҚазАқпарат - Тәуелсіздік күні елордада 55 сәби өмірге келді, деп хабарлайды ҚазАқпарат Елорда инфоға сілтеме жасап.
Қалалық Қоғамдық денсаулық сақтау басқармасының мәліметінше, 16 желтоқсан күні сағат 00.00-16.00 аралығында қаладағы перзентханаларда жалпы саны 55 бала дүние есігін ашқан.
Олардың 31 қыз, қалған 24-і ұл бала. Бұл №2, №3 перинаталдық орталық пен №2 қалалық көпсалалық ауруханада тіркелген мәліметтер.
Сарыарқа аудандық әкімшілігі мереке күні өмірге келген кішкентай астаналықтарды құттықтады.