+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Тараздық полиция майоры 4 баланы бауырына басып, көпбалалы ана атанды

2020 жылғы 3 тамыз 17:42
Бөлісіңіз:
Тараздық полиция майоры 4 баланы бауырына басып, көпбалалы ана атанды

ТАРАЗ. ҚазАқпарат – Тараздық полиция майоры Диляфруз Кинжеханова тоғыз ұл-қызды тәрбиелеп отырған көпбалалы ана. Оның бесеуі өзінің баласы болса, төртеуін асырап алған, деп хабарлайды ҚазАқпарат тілшісі.

Өзі де үлкен әулеттен шыққан полиция майоры Диляфруз Кинжеханова бала кезден өскенде көпбалалы ана болуды армандаған. Бүгінде ол өз арманына қол жеткізді деуге болады. Қазіргі таңда Тараз қалалық полиция басқармасының кәмелетке толмағандар ісі жөніндегі полиция аға инспекторы болып қызмет ететін Диляфруз өзінің тоғыз баланың анасы атанып отырғандығын мақтан тұтады. Әрі үлкен жауапкершілік екенін жан-жүрегімен сезінеді.

Ол өзінің бес перзентімен қатар 4 баланы бауырына басқан десек, бұл оның өміріндегі ең бір елеулі оқиғалардың бірі екен.


Мұндай ой оған №55 орта мектепте өткен «Мектепке жол» акциясы барысында келіпті. Төрт баланың тағдыры сонда шешілген. Ол кезде балалардың үлкендері Марат 17 жаста, Рахым 15 жаста болса, қарындастары Рамила мен Диана 10 және 6 жаста еді.

«Мен заңды өкілдерсіз отбасын анықтайтын комиссия құрамында болдым. Бұл балалардың анасы өмірден озған. Әкесі жоқ екен. Атасы тәрбиелеп өсірген. Құжаттарын қалпына қалпына келтіруге біршама уақыт керек болды. Осы уақыт аралығында мен оларды үйіме апардым және мүмкіндігінше көмектесуге сөз бердім. Балалар маған бауыр басып қалып, тастап кетпеуімді өтінді. Олардың бұл тілектерін орындамауға жүрегім шыдамады. Осылайша мен қамқоршылықты рәсімдеп, оларға ана болуға бел будым», - деп Диляфруз жан-сырымен бөлісті.


Алғашқы күндерден-ақ балалар бір-бірімен ортақ тіл табысып кетіпті.

«Мен барлық балаларымды бірдей жақсы көремін. Олар үшін алаңдап, қорғауға тырысамын. Балалар да менің жұмысымның қиын әрі жауапкершілігі мол екенін түсініп, маған қолғабыс жасайды. Үй шарауасында үнемі көмек көрсетіп, жанашырлық танытады. Бұл біздің бір-бірімізге деген махаббатымыз бен сүйіспеншілігіміздің көрінісі», - дейді полиция қызметкері.

Айта кету керек, бүгінде Диляфруздың екі үлкен ұлы анасының жолын қуып, полиция қызметкері болуға бекінген. Олар аналарының жұмысына қызығып, қиындықтарға қарамастан, адамдарға барынша көмек көрсетуге дайын.


«Мен өз жұмысымды жақсы көремін. Осы жолда түсіністік танытып, шынайы қамқорлық пен жан-жақты көмек көрсетіп келе жатқан басшылығыма алғыс айтамын», - дейді көпбалалы ана.


Біздің каналымызға жазылыңыз:

Бөлісіңіз:

Автор:

Қажы Мұрат

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Үмбет Шолпан
Үмбет Шолпан
954-059

MURAǴAT