06:25, 07 Желтоқсан 2020 | GMT +6
Тараздағы кафеде телефон ұрлаған күдікті ұсталды
ТАРАЗ. ҚазАқпарат – Жамбыл облысының полицейлері телефон ұрлығын ашты, деп хабарлайды ҚазАқпарат тілшісі.
Тараз қаласының полиция басқармасына 56 жастағы тұрғын өзінің ұялы телефонының ұрланғаны туралы арызданған. Әйел адам кафенің үстеліне ұялы телефонын қойып, бір сәтке сыртқа шығып , қайтып оралғанда затының жоғалғандығын айтады. Бұл туралы облыстық полиция департаментінің баспасөз қызметі хабарлады.
«Аталған дерекке қатысты ҚР ҚК-нің 188-бабы 1-бөлігі (Ұрлық) бойынша сотқа дейінгі тергеу басталды. Полиция қызметкерлері бейнебақылау камераларының көмегімен аталған қылмысты жасаған 35 жастағы күдіктіні анықтап, ұстады. Ұсталған азамат кінәсін толық мойындады. Ұялы телефон иесіне қайтарылды»,-делінген ведомство хабарламасында.