Талдықорғанда жас полицейлер ант қабылдады
Салтанатты шара жаңадан пайдалануға берілген сап түзеу алаңында ұйымдастырылды. 16 жас маман қоғамдық қауіпсіздікті қамтамасыз етіп, еліне, Елбасына адал қызмет етуге сенім білдірді.
"Ішкі істер департаментінде ант қабылдау Қазақстанның барша халқына, Президентіне, Заңдарына адал қызмет ету деген сөз. Ол үлкен жауапкершілік. ҚР Заңды мүдделерін қорғауға, берген антыма адал болуға уәде беремін"- деді ант қабылдағандардың бірі, жас маман Санатбек Иманбеков.
Сондай-ақ жиын барысында облыстық ІІД - нің басшысы, генерал-майор Мұрат Урумханов 12 қызметкерге арнайы атақтарын табыс етіп, қызметтеріне сəттілік тіледі. Қазақстан Тәуелсіздігінің 25 жылдығына орай естелік аллеясының негізі салынып, 25 шырша көшеті отырғызылды. Оған департамент басшылары, ішкі істер органдарының ардагерлері қатысты.