+7 (701) 759 90 19
USD 429.75 EUR 507.45
RUB 5.61 CNY 63.93
Jańalyqtar

Страсбург турнирінде Зарина Диястың соққысы үздік деп танылды

2020 жылғы 22 қыркүйек 11:10
Бөлісіңіз:
Страсбург турнирінде Зарина Диястың соққысы үздік деп танылды

НҰР-СҰЛТАН. ҚазАқпарат – Страсбург WTA турнирінің алғашқы күні бойынша қазақстандық Зарина Диястың соққысы үздік деп танылды, деп хабарлайды ҚазАқпарат тілшісі.

Ұқсас жаңалықтар
Astana Open: Дмитрий Попко тартысты матчта ұтылып қалды Теннис: Елордада алғаш рет Astana Open турнирі өтеді Александр Бублик әлемдегі үздік елу теннисшінің қатарына қайта кірді

Кеше үш сағаттан астам уақытқа созылған аса тартысты матчта қазақстандық теннисші америкалық Кристина Макхэйлмен айқасқан болатын.

Үшінші, шешуші партияда тай-брейкте Зарина 5:3 есебімен алда тұрған кезде қарсыласы доп берді. Міне, осы сәтте шеберлік танытқан З.Дияс корттан шығып бара жатқан допты қайтарып үлгерді. Сөйтіп мини-брейк жасап, ең шешуші сәтте сәтті ойнай білді. Содан кейін өзі доп бергенде, тай-брейкті де, тұтас матчты да жеңіспен аяқтай алды.

Зарина екінші айналымда ертең дүниежүзілік рейтингте 83-сатыда тұрған жапониялық Нао Хибиномен шеберлік байқасады.

Қазақстанның бірінші, әлемнің 18-ракеткасы Елена Рыбакина бүгін Страсбургте екінші айналымда рейтингте 52-орында тұрған франциялық Ализе Корнемен кортқа шығады.

Ерлер арасында Қазақстаннның бірінші, әлемнің 56-ракеткасы Александр Бублик жүлде қоры 1,7 млн еуродан асатын Гамбург турниріне қатысатын болды.

Мұнда алғашқы айналымда әлемнің 13-ракеткасы, аргентиналық Диего Шварцман рейтингте 44-орындағы испаниялық Альберт Рамоспен ойнауы тиіс еді. Алайда кеше Рим мастерс турнирінің финалында әлемнің 1-ракеткасы, сербиялық Новак Джоковичтен ұтылған Д.Шварцман Гамбургке келмей қалды да, орнына осы жарыстың іріктеу сайыстарының финалында жеңіліп қалған А.Бублик шақырылды. Бұл – енді А.Рамоспен сынға түсетін қазақстандық теннисші үшін беріліп отырған жақсы мүмкіндік.

Тағы бір қазақстандық Дмитрий Попко Ролан Гаррос турнирі іріктеу сайыстарының жартылай финалында германиялық Оскар Отттемен кездеседі. Оны ұтса, іріктеу сайысының финалына шығады.

Еске сала кетейік, бұдан бұрын Д.Попконың Ролан Гаррос додасының іріктеу сайысын сәтті бастағанын, З.Диястың екінші айналымға шыққанын жазған болатынбыз.


Біздің каналымызға жазылыңыз:

Бөлісіңіз:

Автор:

Елжан Ералы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059

MURAǴAT