Сот сараптамасы қызметін цифрландыратын жүйе қашан іске қосылады

«2020 жылы министрліктің қызметін, атап айтқанда заң шығарушылық, апостильдендіру, сот сараптамасы, жылжымайтын мүлікті, заңды тұлғаларды тіркеу, АХАЖ және басқа да салаларды цифрландыруға бағытталған 26 жобадан тұратын «Digital Justice» жобалар кешені әзірленді. Орындау мерзімі - 2023 жылға дейін. Цифрландыру офисі құрылды. 2-кезең аясында E-zan’nama қызметіне талаптар әзірленді», - деді Азамат Әмірғалиев министрліктің кеңейтілген алқа отырысында.

Оның атап өтуінше, 2020 жылдың қазан айында Е-апостиль жүйесі іске қосылды. Оны осы айдың ішінде ілкі жоба аясында eGov порталы арқылы енгізу жоспарланып отыр.

«Сот сараптамасы қызметін цифрландыру үшін E-saraptama жүйесі әзірленді. Оны осы жылдың ақпан айында ілкі режимде іске қосу жоспарланған. Жеке тұлғалар үшін жылжымайтын мүлік кепілін екінші деңгейлі банктер арқылы тіркеу бойынша ілкі жоба сәтті аяқталды. eGov mobile-да неке қиюды және некені бұзуды, бала тууды, тегін, атын, әкесінің атын ауыстыруды тіркеу туралы цифрлық куәліктердің, сондай-ақ жылжымайтын мүлікке құқықтарды, заңды тұлғаларды және жылжымайтын мүлік кепілін тіркеу туралы мәліметтерді, анықтамалар мен үзінділерді алу бойынша 16 сервистердің қолжетімділігі қамтамасыз етілді», - деді вице-министр.