Smart Turkistan мобильді қосымшасы іске қосылды

None
None
ТҮРКІСТАН. ҚазАқпарат - «Цифрлық Қазақстан» мемлекеттік бағдарламасы аясында «Smart City» тұжырымдамасы бойынша «Smart Turkistan» мобильді қосымшасы іске қосылды, деп хабарлайды ҚазАқпарат облыс әкімінің баспасөз қызметіне сілтеме жасап.

Бүгінгі таңда мемлекеттік қызметтерді жылдам әрі оңай алу цифрлық құралдар арқылы жүзеге асырылуда.

«Осы орайда «Smart Turkistan» мобильді қосымшасы облыс тұрғындары мен қонақтарына қоғамдық қауіпсіздік, коммуналдық қызметтер, транспорт, туризм, денсаулық сақтау, білім беру, кәсіпкерлік саласы, жер қатынастары, такси қызметі, мемлекеттік органдар басшыларына виртуалды қабылдауға тіркелу, тұрғын үй кезегі және тағы басқа салалар бойынша қызметтерге, ақпараттарға жылдам әрі қолайлы қол жеткізуіне мүмкіндік береді» делінген хабарламада.

Бұдан бөлек, елімізде күн тәртібіндегі бірінші мәселеге айналған коронавируc індеті туралы соңғы жаңалықтар, алдын алу шаралары, облыс әкімдігімен жарияланған ескертпелер, хабарламалар осы мобильдік қосымша орнатылған ұялы телефонға хабарлама ретінде келіп отырады.
Қосымша Android әрі Apple Store жүйелерінде қолжетімді.

Соңғы жаңалықтар