+7 (701) 759 90 19
USD 430.69 EUR 518.42
RUB 5.66 CNY 66.17
Jańalyqtar

СҚО полициясында 400-ге жуық қыз-келіншек қызмет атқарады

2021 жылғы 6 наурыз 09:31
Бөлісіңіз:
СҚО полициясында 400-ге жуық қыз-келіншек қызмет атқарады

ПЕТРОПАВЛ. ҚазАқпарат – Солтүстік Қазақстан облысы полиция департаментінде 400-ге жуық қыз-келіншек еңбек етсе, мереке қарсаңында олардың 35-і марапатқа ие болды, деп хабарлайды ҚазАқпарат тілшісі.

Ұқсас жаңалықтар
Таразда алаяқ 250 мың теңгеге жүргізуші куәлігін алуға көмектеспек болған Қазақстанда 7 мамырға арналған мерекелік шаралар қалай өтеді Ақтөбеде полиция қызметкерін жүк көлігі қағып кетті

СҚО полиция департаменті баспасөз қызметінің мәліметінше, полиция қатарында ерлермен бірге погон таққан 374 әйел қызмет атқарады. Оның ішінде 14-і басшы лауазымында. Бұдан басқа 94 әкімшілік мемлекеттік қызметші әйел және 254 ерікті жалдамалы құрам еңбек етеді.

Полиция департаменті жеке құрамының ерлер қауымы әріптестерін келе жатқан 8 наурыз мерекесімен құттықтады.

«Нормаланбаған жұмыс күні, тәуліктік кезекшілік, жедел-іздестіру іс-шаралары, патрульдеу мен рейдтер - әйелдер жұмысты ерлер қатарлы мінсіз орындайды. Сондай-ық, толық талдауды, ұқыптылықты, шыдамдылықты талап ететін жұмысты атқаруда олардың орны бөлек. Әр әйел қызметкердің үлесі үлкен ұжымның сан қырлы жұмысында жоғары бағаланады», - деп атап өтті СҚО ПД бастығы Марат Төлебаев.

Марат Төлебаев 35 нәзік жанды қызметкерді медальдармен, грамоталармен, төс белгілермен, алғыс хаттармен марапаттады. «Құқық тәртібін қамтамасыз етуге қосқан үлесі үшін» медалімен СҚО ПД көші-қон қызметі басқармасының аға инспекторы полиция подполковнигі Динара Айтқожина, ҚР ІІМ Құрмет грамотасымен СҚО ПД емханасы бар госпитальдің терапия бөлімшесінің меңгерушісі Елена Гофман марапатталды. Сонымен қатар, СҚО әкімінің Құрмет грамотасымен СҚО ПД қаржымен қамтамасыз ету басқармасының бас маманы Алтынай Қожабаеваның еңбегі атап өтілді.

Марапатталғандардың қатарында ішкі істер органдарының ардагер әйел қызметкерлері, офицерлердің зайыптары, сондай-ақ қызметтік міндеттерін атқару кезінде қаза тапқан қызметкерлердің жарлары болды.


Біздің каналымызға жазылыңыз:

Бөлісіңіз:

Автор:

Ақерке Дәуренбекқызы

Ұқсас жаңалықтар
Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT