+7 (701) 759 90 19
USD 428.71 EUR 519.12
RUB 5.79 CNY 66.61
Jańalyqtar

СҚО-ның өзен-көлдерінде су деңгейі көтеріліп жатыр

2021 жылғы 11 сәуір 15:15
Бөлісіңіз:
СҚО-ның өзен-көлдерінде су деңгейі көтеріліп жатыр

ПЕТРОПАВЛ. ҚазАқпарат – Солтүстік Қазақстан облысында Тоқсан би ауылының маңындағы Есіл өзенінде су деңгейі бір тәулікте 106 см-ге дейін көтерілді, деп хабарлайды ҚазАқпарат тілшісі.

Ұқсас жаңалықтар
Ауғанстандағы су тасқыны: 78 адам қаза тауып, 32 адам із-түссіз жоғалған Қытайдағы нөсер жаңбыр: 70 мың адам қауіпті аймақта қалды 8-10 мамыр аралығында Алматы өзендерінде су деңгейі көтеріледі

«Қазгидромет» РМК СҚО филиалының мәліметінше, өңірдің су қоймаларында мұз үстінен су кетіп, мұз жамылғысы бұзыла бастады.

Иманбұрлық, Ақанбұрлық, Мұқыр, Шарық, Қамысақты секілді шағын өзендерде су деңгейі күннен-күнге көтеріліп келеді. Бір тәулікте 2 - 119 см дейін өзгерген. Мәселен, Ковыльное елдімекені маңындағы Ақанбұрлық өзеніндегі гидропостта су деңгейі 86 см көтерілген. Ал, Андреевка елдімекені маңындағы Шарық өзенінде керісінше, су деңгейі 129 см дейін түскен.

Есіл өзенінде де жағдай тұрақсыз. Бір тәулікте су деңгейі 2 - 106 см өзгерген. Тоқсан би ауылының маңындағы Есіл өзенінде су 106 см дейін көтерілген. Өзен алқаптардан аққан қар суымен толығып жатыр.

Сергеев су қоймасында су көлемі 9 см артып, 718 см жетті. Қазір 87% толған. Ернеуінен асып төгілу үшін 82 см жетпейді.

Корнеевка елдімекені маңындағы Үлкен Тораңғұл көліндегі гидропостта су деңгейі өзгеріссіз – 321 см аспаған. Мұз қалыңдығы 105 см шамасында.

Синоптиктердің болжамынша, алдағы күндері ауа температурасы жоғарылай береді. Яғни қар қарқынды еріп, өзен-көлдердің суы молаймақ.

Қазір СҚО-да өзен-көлдердің су деңгейі 19 гидропост арқылы бақылауға алынған. Олардың 16-сы Есіл өзені мен оның салаларында, 2-еуі Сергеев және Петропавл су қоймаларында, 1-еуі Үлкен Тораңғұл көлінде орналасқан.

Біздің каналымызға жазылыңыз:

Бөлісіңіз:

Автор:

Ақерке Дәуренбекқызы

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059

MURAǴAT