+7 (701) 759 90 19
USD 425.07 EUR 494.14
RUB 6.06 CNY 66.55
Jańalyqtar

СҚО-да прокурорлар 600-ге жуық тарихи-мәдени ескерткішті тексерді

2021 жылғы 18 тамыз 19:31
Бөлісіңіз:
СҚО-да прокурорлар 600-ге жуық тарихи-мәдени ескерткішті тексерді

ПЕТРОПАВЛ. ҚазАқпарат – Солтүстік Қазақстан облысында биыл СҚО тарихи-мәдени мұраларды қорғау мен қолдану орталығы прокурорлармен бірге өңірдегі 600-ге жуық тарихи-мәдени ескерткішке мониторинг жүргізді, деп хабарлайды ҚазАқпарат тілшісі.

Ұқсас жаңалықтар
СҚО-да скутер мінген жігіт бағанға соғылып көз жұмды

СҚО тарихи-мәдени мұраларды қорғау мен қолдану орталығының мәліметінше, өңірде қазіргі уақытта 600-ге жуық тарихи-мәдени ескерткіш бар. Оның сегізінің республикалық маңызы бар. Биыл олардың екеуінде күрделі жөндеу жүргізіліп жатыр.

«Қазіргі уақытта Айыртау ауданындағы Сырымбет қонысында қалпына келтіру жұмыстары жүргізіліп жатыр. Биыл қоршауы ауыстырылады және негізгі үй мен медресе күрделі жөнделеді. Қыркүйек айында жұмыстар аяқталады.

Петропавлдағы Брусиловский көшесіндегі 22-үйде орналасқан көне сауда ғимаратын кәсіпкер өз қаржысына күрделі жөндеу жүргізіп жатыр. Халық арасында «Колизей» деген атпен танымал көне ғимарат биыл желтоқсанда пайдалануға беріледі. Алдымен бірінші қабаты іске қосылады», - дейді СҚО тарихи-мәдени мұраларды қорғау мен қолдану орталығының директоры Рахат Мәмбеталинов.

Сондай-ақ Петропавлдағы Колхоз базарында орналасқан Мұратов диірмені де жаңа келбетке ие болады. Мұндағы жұмыстар келесі жылы аяқталмақ. Биыл тиісті құжаттарын әзірлеп, сыртқы қасбетімен айналысып жатыр.

«СҚО прокуратурасымен бірге біз тарихи-мәдени мұраны сақтауға арналған кешенді жоспар әзірледік. Осыған орай бүгінде ведомство мамандарымен ескерткіштерге мониторинг жүргізіп жатырмыз. Шілде айында облыстағы барлық ескерткіштерді аралап шықтық. Оның қорытындысы бойынша меншік иелеріне заң бұзушылықтарды жоюға 4 ұйғарым берілді. Яғни ескерткіштерді дұрыс күзетпеу, тәртіптің жоқтығына байланысты», - дейді Рахат Мәмбеталинов.

Жалпы СҚО-да 1 мыңнан астам тарихи-мәдени ескерткіш болса, соның 599 мемлекеттік ескерткіштер тізіміне енгізілген. Олардың 436-сы археологиялық болса, 162-сі архитектуралық нысандар. Петропавл қаласында ғана 100-ден астам ескерткіш бар. Олардың 30-дан астамы Тәуелсіздік жылдары бой көтерген. Бұдан басқа 33 нысан СҚО-ның сакралды картасына енген.


Біздің каналымызға жазылыңыз:

Бөлісіңіз:

Автор:

Ақерке Дәуренбекқызы

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жарылқасын Саягүл
Жарылқасын Саягүл
954-059
REDAKTOR
Жанат Қапалбаева
Жанат Қапалбаева
954-059

MURAǴAT