+7 (701) 759 90 19
USD 439.01 EUR 474.61
RUB 5.75 CNY 61.91
Jańalyqtar

СҚО-да құсбегілердің республикалық чемпионаты басталды

2020 жылғы 20 ақпан 18:30
Бөлісіңіз:
СҚО-да құсбегілердің республикалық чемпионаты басталды

ПЕТРОПАВЛ. ҚазАқпарат – Солтүстік Қазақстан облысы еліміздегі құсбегілерінің басын қосты. Бескөл ауылында 12 команда қатысқан Қазақстан чемпионаты өтіп жатыр, деп хабарлайды ҚазАқпарат тілшісі.

Ұқсас жаңалықтар
Қазақстандық балуан әйелдер рейтингте үздік төрттікке кірді Желкенді қайық спорты федерациясы 2020 жылғы әлем кубогы ойындарын кейінге шегерді Қостанай облысында триатлон саябағы ашылады

СҚО Дене шынықтыру және спорт басқармасының мәліметінше, құсбегілердің ХIV республикалық чемпионаты Қызылжар ауданы Бескөл ауылындағы «Құлагер» ипподромында өтіп жатыр. Жарыстың бұл түрі өңірде алғаш ұйымдастырылып отыр. Оған Нұр-Сұлтан, Алматы қалаларынан және Ақмола, Алматы, Жамбыл, Атырау, Шығыс Қазақстан, Түркістан, Қарағанды, Маңғыстау, Павлодар және Солтүстік Қазақстан облысынан 12 команда қатысуда. Әр командада үш спортшыдан бар. Олар жарыс барысында бүркіт, ителгі және қаршығаны аң-құсқа салмақ.

Спорттық шараны облыс әкімінің орынбасары Руслан Әлішев ашып, бұл деңгейдегі бәсеке өңірде ұлттық спорт түрлерін дамытып, жаңа деңгейге шығаруға серпін беретініне сенім білдірді. Қызылжарлық спортшылар спорттың бұл түріне тек үшінші жыл ғана қатысып отыр.

СҚО-дағы Ақжар ауданының тұрғындары, ағайынды Ақылбек пен Ақан Қалиевтер жыртқыш құстарды асырап, баптаумен бес жылдан бері айналысып келеді. Осы жарыста жолдары болатындығына сенімді.

«Ертең еркін ұшыру, шырғаға салу болады. Сосын ителгі мен қаршығаны жарысқа қосамыз. Ителгіні қолға шақырып, көгершінге салады, далбай ойнату деген бар. Қаршығаны да сөйтеміз. Осы үш түрінен жарыс өтеді. Әрқайсының көрсететін өнерлері әр түрлі. Ал үшінші күні қоянға салудан жарысады», - дейді Қазақстанның құсбегіліктен аға жаттықтырушысы Базарбек Күнтуғанұлы.

Құсбегілер бүгін экстремалды жағдайда жарысты. Дегенмен қанат қағысы екі метрге дейін жететін бүркіттерге дауылды жел дұрыс ұшуға мүмкіндік бермеді.

Жалпы чемпионат үш күнге жалғасады.


Біздің каналымызға жазылыңыз:

Бөлісіңіз:

Автор:

Ақерке Дәуренбекқызы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT