+7 (701) 759 90 19
USD 423.87 EUR 505.25
RUB 5.59 CNY 64.43
Jańalyqtar

СҚО-да екі күнде карантин талабын бұзудың 60-қа жуық дерегі анықталды

2020 жылғы 19 қазан 16:54
Бөлісіңіз:
СҚО-да екі күнде карантин талабын бұзудың 60-қа жуық дерегі анықталды

ПЕТРОПАВЛ. ҚазАқпарат – Солтүстік Қазақстан облысында сенбі-жексенбі күндері енгізілген локдаунға қарамастан кей дәмханалар мен демалыс орындары жұмыс істеп келген. Бұл мониторингтік топтардың рейді барысында анықталды, деп хабарлайды ҚазАқпарат тілшісі.

Ұқсас жаңалықтар
Желтоқсан мен қаңтарда карантин қатаңдауы мүмкін Жағдай күрделенсе, карантин режимін күшейтеміз - Бақытжан Сағынтаев Астанада сауда ойын-сауық орталықтарына сенбі күні жұмыс істеуге рұқсат берілді

СҚО Полиция департаменті баспасөз қызметінің мәліметінше, демалыс күндері мониторингтік топтар жұмысын күшейтті. Карантин талаптарының орындалуын бақылау үшін құрылған оған тәртіп сақшылары, прокуратура өкілдері мен санитариялық дәрігерлер кірген.

СҚО-да карантиндік шектеулердің күшейтілгеніне қарамастан сенбі-жексенбі күні кей дәмханалар мен демалыс орындары жұмыс істеген, көңір көтеру орындарында той-томалақ өткен. Рейд барысында мамандар карантин талаптарын бұзудың 58 дерегін анықтады.

Мәселен Петропавлдағы «Грин парк» көңіл көтеру кешенінде сенбі күні бірден үш кеш ұйымдастырылған. Карантинді бұзған той иелеріне және нысанның әкімгеріне 4 әкімшілік іс қозғалды. Қонақтар таратылды.

Мониторингтік топ «Сосновый бор» және «Березовая роща» демалыс базаларында да дәл осындай той-томалақтың үстінен түсті. Ал Петропавлдағы Шәжімбаев көшесіндегі жалға берілетін үйлердің бірінде үйлену тойы ұйымдастырылған. Семашко көшесіндегі жалға берілетін коттеджде де мамандар отбасылық мерекені анықтады. Сенбі-жексенбі күндері қоғамдық тамақтану орындарының тұтынушыларды қабылдауына тыйым салынғанымен асхана мен екі дәмхана жұмыс істеп тұрған.

«Түсіндіру әңгімелері және әкімшілік ықпал ету іс-шаралары халықтың сана сезіміне әсер етіп, тәртіпті күшейтуге, карантин талаптарының саталуына бағытталған. Біздің қазіргі міндетіміз – қауіпті инфекцияның таралуына жол бермеу. Барлық жиналған әкімшілік материалдар әрі қарай іс-шара қолдану үшін санитариялық қызметке берілді», - дейді СҚО ПД бастығының бірінші орынбасары Қанат Айтбаев.

Жалпы СҚО-да наурыз айынан бері карантин талаптарын бұзудың 1728 дерегі тіркелді.


Біздің каналымызға жазылыңыз:

Бөлісіңіз:

Автор:

Ақерке Дәуренбекқызы

Пікір қалдыру
+7
Жіберу
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059
REDAKTOR
Үмбет Шолпан
Үмбет Шолпан
954-059

MURAǴAT