+7 (701) 759 90 19
USD 425.95 EUR 495.12
RUB 6 CNY 66.6
Jańalyqtar

СҚО-да екі адамның ажалы төсекте темекі шегуден болды

2021 жылғы 28 қыркүйек 22:17
Бөлісіңіз:
СҚО-да екі адамның ажалы төсекте темекі шегуден болды

ПЕТРОПАВЛ. ҚазАқпарат – Солтүстік Қазақстан облысында биыл өртте 39 адам қаза тапты, бұл өткен жылдан 11 %-ға артық, ал жарақаттанғандар саны үш есе артып, 35 адамға жетті, деп хабарлайды ҚазАқпарат тілшісі.

Ұқсас жаңалықтар
Қостанайда көпқабатты үй өртеніп, пәтерде болған әйел мен еркек күйіп қалды Өскеменде түтіндеген пәтерде есінен танып қалған ер адам құтқарылды СҚО-да скутер мінген жігіт бағанға соғылып көз жұмды

СҚО төтенше жағдайлар департаменті баспасөз қызметінің мәліметінше, биыл жыл басынан өңірде 528 өрт тіркелген, бұл өткен жылдың осы кезеңімен салыстырғанда 10 %-ға артық. Келген шығын көлемі екі есе көбейіп, 210 млн теңгеге жеткен.

Тек өткен аптада облыста 10 өрт тіркелген. Салдарынан екі адам мерт болды. Екі жағдайда да ер адамдардың ажалы төсекте жатып темекі шегуден болды.

«Петропавлдағы Борки кентіндегі «Рябинка» саяжай серіктестігінде уақытша тұруға арналған аумағы 41 шаршы метрлік үй-жайда өрт шықты. Оқиға орнынан 1969 жылғы ер адамның денесі табылды. Өрт төсекте жатып шылым шегуден шыққан. Тағы бір өрт Ж.Жабаев көшесінде орналасқан «Радар» ЖШС бір қабатты күзетші үйінен шықты. Үй-жайда уақытша тұрып жатқан 1966 жылғы ер адам жанып кетті. Мұнда да отты абайсыз қолдану, яғни төсекте темекі шегу себеп болған», - дейді Петропавл қалалық төтенше жағдайлар басқармасының бастығы Владимир Хутинаев.


Біздің каналымызға жазылыңыз:

Бөлісіңіз:

Автор:

Ақерке Дәуренбекқызы

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жарылқасын Саягүл
Жарылқасын Саягүл
954-059

MURAǴAT