+7 (701) 759 90 19
USD 426.99 EUR 514.35
RUB 5.72 CNY 65.96
Jańalyqtar

СҚО-да биыл ауыл шаруашылығы техникасы құрастырыла бастайды

2021 жылғы 20 сәуір 22:11
Бөлісіңіз:
СҚО-да биыл ауыл шаруашылығы техникасы құрастырыла бастайды

ПЕТРОПАВЛ. ҚазАқпарат – Солтүстік Қазақстан облысында биылдан бастап немістің «CLAAS» компаниясының ауыл шаруашылығы техникасы құрастырыла бастайды, деп хабарлайды ҚазАқпарат тілшісі.

СҚО әкімі Құмар Ақсақалов әлеуметтік желідегі жеке парақшасында «CLAAS» компаниясының жоба үйлестірушісі Вальдемар Прибпен бірге бірлескен жобаның жүзеге асу барысын тексергенін жазды.

«CLAAS» концерні ауылшаруашылығы техникасын шығару бойынша әлемдегі көшбасшы компания. Компанияның бүкіл әлем бойынша 7 зауыты бар: Германия, Франция, АҚШ, Қытай, Ресей, Венгрия және Өзбекстанда. Сегізінші зауыт Қазақстанда, атап айтқанда Солтүстік Қазақстан облысында ашылады. Бұл неміс әріптестерімен ұзақ, бірақ сәтті келіссөздердің нәтижесі», - деді өңір басшысы.

Қазір Петропавлда жаңа кәсіпорынға арналған ғимарат қайта қалпына келтіріліп жатыр. «CLAAS» компаниясының жоба үйлестірушісі Вальдемар Приб бір апта бойы жобалаушылар мен құрылысшылардың жұмысын үйлестіріп, өз ұсыныстарын енгізді.

«Барлық құрылыс және жөндеу жұмыстары маусым айында аяқталады. 100-ге жуық тұрақты жұмыс орны құрылады. Неміс концерні мамандарды таңдау және дайындаумен де айналысып жатыр.

Бұл біздің аймақ және бүкіл ел үшін өте маңызды жоба. Өңірде жоғары табысты әлемдік деңгейдегі өндіріс ашылады, ал біздің шаруалар «CLAAS» комбайндары мен тракторларын, «Horsch» тұқым себу кешендерін 50 %-ға дейінгі жеңілдетілген бағамен сатып ала алады», - дейді Құмар Ақсақалов.

Кәсіпорын екі айдан кейін іске қосылмақ. Жоспар жүзеге асқан жағдайда, биыл жыл соңына дейін жаңа зауытта 100-ге жуық комбайын құрастырылмақ.


Біздің каналымызға жазылыңыз:

Бөлісіңіз:

Автор:

Ақерке Дәуренбекқызы

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Айдар Оспаналиев
Айдар Оспаналиев
954-059
REDAKTOR
Жарылқасын Саягүл
Жарылқасын Саягүл
954-059
REDAKTOR
Жанат Қапалбаева
Жанат Қапалбаева
954-059

MURAǴAT