+7 (701) 759 90 19
USD 425.07 EUR 494.14
RUB 6.06 CNY 66.55
Jańalyqtar

СҚО-да «Бастау Бизнес» жобасы арқылы 1,5 мыңға жуық адам өз кәсібін бастады

2021 жылғы 23 қыркүйек 11:43
Бөлісіңіз:
СҚО-да «Бастау Бизнес» жобасы арқылы 1,5 мыңға жуық адам өз кәсібін бастады

ПЕТРОПАВЛ. ҚазАқпарат – Солтүстік Қазақстан облысында бес жылдың ішінде 8 мыңға жуық солтүстікқазақстандық «Бастау Бизнес» жобасына қатысса, соның 1278-і өз кәсібін ашты, деп хабарлайды ҚазАқпарат тілшісі.

Ұқсас жаңалықтар
СҚО-да скутер мінген жігіт бағанға соғылып көз жұмды

СҚО кәсіпкерлер палатасы баспасөз қызметінің мәліметінше, «Бастау Бизнес» жобасы іске қосылған 5 жылдың ішінде 185 мың қазақстандық кәсіпкерлік курсынан өткен. Соның 8 мыңға жуығы – солтүстікқазақстандықтар.

«Осы аралықта жұмыссыз жүрген, өзін-өзі жұмыспен қамтыған 7942 адамды оқыттық, олардың 1278-і кейін өздерінің бизнес жобаларын жүзеге асыру үшін жеңілдетілген несие алды. Қазіргі уақытта табысты еңбек етіп жатыр», - дейді СҚО кәсіпкерлер палатасының директоры Әлібек Әшметов.

Есіл ауданының тұрғыны Светлана Егорова курстан өткендердің бірі. «Бастау Бизнестің» арқасында ауылында көптен бергі арманы – наубайхана ашты.

«Мен кішкентайымнан тәтті пісіруге құмар болдым, түрлі торт, печенье пісіріп, туғандарымды қуантатынмын. Есейе келе наубайшы боламын деп шештім. Наубайхана біздің отбасылық бизнес. Мұнда менен басқа күйеуім, балам істейді және көмекшіміз бар. Ұлым – аспаз, ол да «Бастау» арқылы білімін жетілдірді. Енді ол өз алдына бургер орталығын ашуды армандайды. Бұл жобаның арқасында ол арманына қол жеткізетініне сенімдімін», - дейді Светлана Егорова.

Жақында кәсіпкерлер палатасының жанынан «Атамекен Қызылжар» микроқаржы ұйымы құрылды. Ол арқылы «Бастау Бизнес» жобасының түлектері өз істерін жүзеге асыру үшін жеңілдетілген несие ала алады. Қазіргі уақытта тұрғындардан жалпы сомасы 210,3 млн теңге болатын 57 өтініш түскен. Жалпы бұл ұйым 1 млрд теңгенің 238 несиесін беруді жоспарлаған.


Біздің каналымызға жазылыңыз:

Бөлісіңіз:

Автор:

Ақерке Дәуренбекқызы

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жарылқасын Саягүл
Жарылқасын Саягүл
954-059
REDAKTOR
Жанат Қапалбаева
Жанат Қапалбаева
954-059

MURAǴAT