+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

СҚО-да ауыл кәсіпкерлері учаскелік полицейге қызметтік баспана салуда

2019 жылғы 7 желтоқсан 08:37
Бөлісіңіз:
СҚО-да ауыл кәсіпкерлері учаскелік полицейге қызметтік баспана салуда

ПЕТРОПАВЛ. ҚазАқпарат – Солтүстік Қазақстан облысы Тайынша ауданындағы Қарағаш ауылында жергілікті кәсіпкерлер 4 баласы бар полицияның учаскелік инспекторына қызметтік баспана салып жатыр, деп хабарлайды ҚазАқпарат тілшісі.

Ұқсас жаңалықтар
Алматыда есірткі шеккен адам учаскелік полицияға оқ атты Алматыда топ болып футбол матчын тамашалағандар жауапқа тартылды Елорда полицейлері дәрі-дәрмекті қымбат бағамен сатқан бірнеше нысанды анықтады

Облыстық полиция департаменті баспасөз қызметінің хабарлауынша, ведомство басшысы Марат Төлебаев Петропавлдан 180 шақырым қашықтықта орналасқан Тайынша ауданындағы Абай ауылдық округінде болып, тұрғындармен кездесті. Оның құрамына 4 ауыл кіреді, халық саны шамамен 1 500 адам.

Кездесу кезінде облыстың бас полицейі өңірдегі қылмыстық жағдай туралы баяндады. Сондай-ақ, Марат Төлебаев өңірдегі мал ұрлығының алдын алу және қылмыстың ашылуы жөнінде сөз қозғап, бағусыз жүрген малдың кесірінен жол апаттары болатынын да ескертті.

Ауылдық округте қазір 53 бейнебақылау камерасы жұмыс істейді. Полицияның учаскелік инспекторы Руслан Бекболатовтың сөзіне қарағанда, жыл басынан бері 7 қылмыс пен 127 әкімшілік құқық бұзушылық тіркелген. Полиция департаментінің бастығы бұрын жасалған қылмыстарды ашу, сондай-ақ мал ұрлығының алдын алу және есепте тұрған адамдардың арасындағы бұзушылықтар профилактикасы бойынша жұмысты күшейтуге нұсқау берді.

Есептік кездесу аудандық полиция бөлімінің үздік қызметкерлері мен округ аумағында құқықтық тәртіпті нығайтуға жан-жақты көмек көрсеткен белсенді ауыл тұрғындарын марапаттаумен аяқталды. Жергілікті полицияның техникалық базасын нығайту мақсатында аудандық әкімдік жергілікті полиция бөліміне радиостансаларды табыс етті.

Сондай-ақ Марат Төлебаев полицияның учаскелік инспекторына салынып жатқан қызметтік баспананың құрылысын көрді. Тұрғын үй көктемде пайдалануға берілмекші. Оны жергілікті шаруашылықтардың бірі - «Астық STEM» ЖШС өз қаражатына тұрғызып жатыр. Ауданы 100 шаршы метрге жуық қызметтік үй Қарағаш ауылының орталық көшесінде орналасқан. Бұл үйге 37 жастағы полиция капитаны жұбайымен, төрт баласымен қоныстанады. Көп балалы отбасы отбасы үшін бұл көмектің маңызы зор және адал қызметі мен тынымсыз еңбегі үшін шағын сый болмақ.

Біздің каналымызға жазылыңыз:

Бөлісіңіз:

Автор:

Ақерке Дәуренбекқызы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанибек Амангелди
Жанибек Амангелди
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT