+7 (701) 759 90 19
USD 425.3 EUR 501.05
RUB 5.85 CNY 65.88
Jańalyqtar

СҚО-да 90 жылға жуық тарихы бар оқу орны жабылып қалды

2021 жылғы 16 шілде 04:10
Бөлісіңіз:
СҚО-да 90 жылға жуық тарихы бар оқу орны жабылып қалды

ПЕТРОПАВЛ. ҚазАқпарат – Солтүстік Қазақстан облысында Қызылжар аграрлы-техникалық колледжі жұмысын тоқтатты, деп хабарлайды ҚазАқпарат тілшісі.

Ұқсас жаңалықтар
Елорда мектептерінің барлық қызметкерінің жалақысын көтеру керек - кәсіподақ Ақтөбеде халықаралық олимпиада жеңімпазы марапатталды 2 мыңнан астам алматылық оқушы онлайннан дәстүрлі оқыту форматына ауысты

СҚО білім басқармасы баспасөз қызметінің мәліметінше, жұмысшы мамандықтарды даярлап келген білім ордасының жабылуына студенттердің жетіспеушілігі себеп болған.

Соңғы 10 жылда студенттер саны 380 адамнан 65-ке дейін қысқарған. Былтыр тығырықтан шығу үшін 50 адамға мемлекеттік тапсырыс та берілген. Алайда қажетті адамды қабылдай алмаған, өйткені жастар арасында оқу орнына сұраныс жоқ.

«2019 жылдан бастап ауыл колледждері адам басына қаржыландырыла бастады. Алайда Қызылжар аграрлы-техникалық колледжі контингенттің аз болуына байланысты нормативтен бөлек қаржыландырылып, бюджетке салмақ салды. Бұл колледжде бір студентті оқыту 2 млн теңгеге дейін жетті, ал адам басына қаржыландыру әдісі бойынша 550 мың теңге шығуы тиіс. 2021 жылдың түлектерін есептемегенде мұнда 28 студент ғана қалды. Ал оқу ғимараты 600 орынға шақталған», - дейді СҚО білім басқармасының баспасөз хатшысы Әсел Оразбаева.

Маманның айтуынша, 1935 жылы ашылған оқу орнын сақтап қалу үшін мемлекеттік-жекешелік әріптестікке беру жөнінде шешім қабылданған. Алайда кәсіпкерлер тарапынан қызығушылық болмапты.

«15 шілде күнгі жағдай бойынша Қызылжар аграрлы-техникалық колледжіндегі қызметкерлер саны 53 адам болды. Оның 9-ы оқытушы, 5-уі шебер, әкімшіліктің 4 мүшесі және қалғандары жұмысшылар. Қазір оларды жұмысқа орналастыру мәселесі шешіліп жатыр. 22 адамға бос жұмыс орындары ұсынылды. Ал 2 курстың 28 студенті Петропавлдағы гуманитарлық-техникалық және құрылыс-экономикалық колледждерге ауыстырылды», - дейді Әсел Оразбаева.


Біздің каналымызға жазылыңыз:

Бөлісіңіз:

Автор:

Ақерке Дәуренбекқызы

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанат Қапалбаева
Жанат Қапалбаева
954-059

MURAǴAT