13:31, 14 Қаңтар 2021 | GMT +6
«СК- Фармация»-ның бұрынғы басшысына қатысты істі тергеу аяқталды
НҰР-СҰЛТАН. ҚазАқпарат – «СК- Фармация»-ның бұрынғы басшысы Берік Шәріпке қатысты іс жуырда сотқа жіберіледі. Бұл туралы ҚР Сыбайлас жемқорлыққа қарсы күрес агенттігінің төрағасы Алик Шпекбаев мәлім етті, деп хабарлайды ҚазАқпарат тілшісі.
«Бүгінде тергеу жұмыстары аяқталып, іс қаралып жатыр. Жақын күндері іспен танысу жұмысы да аяқталады. Содан соң іс сотқа жіберіледі», - деді А. Шпекбаев тілшілердің сұрақтарына жауап бере отырып.
Оның айтуынша, аталған ұйымның бұрынғы басшысына айып қызметін асыра пайдаланғаны үшін тағылып отыр.
Еске сала кетсек, «СК- Фармация»-ның бұрынғы басшысы Берік Шәріп 2019 жылдың тамыз айында елордада қамауға алынған болатын.
«14 тамызда соттың санкциясымен күдікті қамауға алынды. Кінәлілік дәрежесі туралы түпкілікті шешімді сот шығарады», - деген болатын ҚР Сыбайлас жемқорлыққа қарсы іс-қимыл агенттігі бірінші департаментінің аса маңызды істер жөніндегі тергеушісі Данияр Биғайдаров.