23:36, 02 Маусым 2020 | GMT +6
Сиыр кәріз шұңқырына түсіп кетті
КӨКШЕТАУ. ҚазАқпарат - Атбасар ауданында кәріз шұңқырына түсіп кеткен сиыр құтқарылды, деп хабарлайды ҚазАқпарат тілшісі Ақмола облыстық ТЖД баспасөз қызметіне сілтеме жасап.
Ведомствоның мәліметінше, бүгін кешкі сағат 19:35 шамасында Атбасар қалалық ӨБ кезекшілік бөліміне кәріз шұңқырына сиырдың құлап кеткендігі туралы ақпарат түсті.
«Құтқарушылар айтылған мекенжайға барған кезде сиыр тереңдігі 2 метр кәріз шұңқырының ішінде жатты. Жануарды сыртқа алып шығу үшін су сорғыш машина мен монипульятор тартылды. Нәтижесінде сиыр сыртқа аман шығарылды», - дейді ведомстводан.