20:05, 29 Шілде 2020 | GMT +6

Шыңғыс Мұқан Шымкент қаласы әкімінің бірінші орынбасары болып тағайындалды

ШЫМКЕНТ. ҚазАқпарат – Шымкент қаласы әкімінің бірінші орынбасары тағайындалды. Шаһар басшысының өкімімен бұл қызметті Шыңғыс Жұмабекұлы Мұқан атқаратын болды, деп хабарлайды ҚазАқпарат тілшісі.

Шыңғыс Мұқан 1984 жылы туған, білімі жоғары. Мамандығы бойынша экономист, аудармашы, мемлекеттік басқару магистрі. Ол Алматыдағы «Қайнар» университетін, Қазақ экономика, қаржы және халықаралық сауда университетін және «Болашақ» бағдарламасы бойынша Гарвард университетін тәмамдаған.

Еңбек жолын «Жас Алаш» газетінде тілші болып бастаған. Әр жылдары ҚР Энергетика және минералды ресурстар министрлігінің баспасөз хатшысы, «Жайық-пресс» ЖШС-інің бас директоры, Батыс Қазақстан облысы әкімі аппараты басшысының орынбасары, ҚР Президенті Әкімшілігінің ішкі саясат бөлімінің сектор меңгерушісі, Атырау облысы әкімінің орынбасары, KazPetroDrilling АҚ-ның корпоративтік даму бойынша вице-президенті қызметтерін атқарған.

Айта кетейік, бүгін Шымкент қаласының әкімі Мұрат Әйтенов өзінің бірінші орынбасары мен тағы бір орынбасары Алмасбек Мамытбековты қызметтерінен босатқан болатын.

Тегтер:

Шымкент Тағайындау Басты жаңалық Әкім

Соңғы жаңалықтар

Одан да көп жаңалықтар біздің Телеграм-арнамызда!