+7 (701) 759 90 19
USD 375.87 EUR 406.24
RUB 5.84 CNY 53.45
Jańalyqtar

Шымкенттегі жоғары оқу орнында адалдық дүкені ашылды

2020 жылғы 29 қаңтар 07:32
Бөлісіңіз:
Шымкенттегі жоғары оқу орнында адалдық дүкені ашылды

ШЫМКЕНТ. ҚазАқпарат – Шымкенттегі М. Әуезов атындағы Оңтүстік Қазақстан Мемлекеттік университетінде адалдық дүкені ашылды. Студенттер енді кеңсе тауарлары мен оқу құралдарын сатушысыз-ақ өздері ала алады, деп хабарлайды ҚазАқпарат тілшісі.

Ұқсас жаңалықтар
СҚО-да тергеуші 2 млн теңге пара алды деген күдікке ілінді Шымкентте қылмыстық істі тоқтатпақ болған тергеуші мен адвокат жазаланды ШҚО-да аурухананың бас бухгалтері 92 млн теңге жымқырған

Дүкеннің ашылуына орай ұйымдастырылған шараға ҚР Сыбайлас жемқорлыққа қарсы іс-қимыл агенттігі Шымкент қаласы бойынша департаментінің өкілдері мен «Шымкент-Адалдық алаңы» жобалық кеңсесінің жетекшісі Ерасыл Төлебаев және университет оқытушылары мен білім алушы үздік шәкірттер қатысты. Жаңадан ашылған адалдық дүкенінде әрбір тауардың бағасы жазылған. Ал, ондағы заттарды сатып алушы студенттер мен оқытушылар ақшасын арнайы жәшікке салып кетеді. Оқытушылардың айтуынша, мұндай әдіс жастарды адалдық қағидатына тәрбиелейді. Әрі әрбір іс-әрекетін ойланып, бағамдап барып жасауға жол көрсетеді. Білім ордасында сондай-ақ, «Парасат» мектебі де жұмыс істей бастады. Ол жастарға үш түрлі бағытта тәрибе береді. Оның алғашқысы саналы ұрпақ, екіншісі ізгілік елшісі деген тақырыпты қамтиды. Бұл бағытта өңірдегі сәулелі ғұмыр кешкен, адалдықты ту еткен азаматтармен кездесулер ұйымдастарылмақ. Ал, соңғысы жемқорлықтан ада қоғам құруды көздеп отыр. Сонымен қатар жең ұшынан жалғасқан сыбайлас жемқорлықтың алдын-алу мақсатында қазір университтеттің 16 жеріне үлкен лэд экран орнатылған. Оқу семестірінің соңындағы әрбір сынақты кез-келген адам осы экрандар арқылы бақылай алады.


«Мұндай жаңашылдық нәтижесіз емес. Оқу процесінің тазалығына, жастардың мейлінше сапалы білім алуына барлық мүмкіндікті жасап отырмыз. Жастарымыз әлеуметтік мониторнинг жасап, бүгінде емтиханның тазалығы 86 пайызды көрсетіп отыр. Мен бұл көрсеткішке сенемін»,- дейді университет ректоры Дария Қожамжарова.


Біздің каналымызға жазылыңыз:

Бөлісіңіз:

Автор:

Айнұр Ақбаева

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059

MURAǴAT