10:00, 28 Қазан 2020 | GMT +6

Шымкентте заңсыз алкоголь өнімін шығаратын жасырын цех анықталды

ШЫМКЕНТ. ҚазАқпарат - ҚМ Қаржы мониторингі комитетінің Шымкент қаласы бойыншаэкономикалық тергеу департаментінің қызметкерлерімен жүргізілген жедел-іздестіру шараларының нәтижесінде көрінеу жалған есепке алу-бақылау маркалары жабыстырылған алкоголь өнімдерін дайындаумен айналысатын жасырын цехтың қызметі тоқтатылды. Бұл туралы ҚазАқпарат Қаржы мониторингі комитетінің баспасөз қызметіне сілтеме жасап хабарлайды.

Тексеру барысында көрінеу жалған есепке алу-бақылау маркалары жабыстырылған 18 түрлі алкоголь өнімдерінің 6671 бөтелкесі, 15 тонна спирт, 67 есепке алу-бақылау маркасы, сұйықтықтарды араластыратынсорғы, алкоголь өнімдеріне арналған 146 бос қорап және 750 бос бөтелке, 500-ден астам қақпақша және 40 625 теңге ақша қаражаты анықталып, тәркіленген.

Дайындалған алкоголь өнімдерінің әрі қарай Шымкент қаласының азық-түлік дүкендеріне өткізілетіндігі анықталды.

Аталған дерек бойынша ҚР ҚК-нің 233-бабының 2-бөлігімен сотқа дейінгі тергеп-тексеру ісі басталды (көрінеу жалған есепке алу-бақылау маркаларын қолдану және өткізу).

Қазіргі уақытта, қылмыстық іс шеңберінде осы іске қатысы бар барлық тұлғалар анықталды, тиісті сараптамалар мен тергеу амалдары жүргізілуде.

Тегтер:

Оқиға Қылмыспен күрес Шымкент

Соңғы жаңалықтар

Одан да көп жаңалықтар біздің Телеграм-арнамызда!