09:58, 24 Желтоқсан 2020 | GMT +6
Шымкентте туристерге арналған портал мен мобильдік қосымша іске қосылды
ШЫМКЕНТ. ҚазАқпарат - Шымкентте туристер мен қонақтарға қажетті ақпарат тарататын «visit-shymkent.kz» туристік ақпараттық порталы мен «visitshymkent» мобильдік қосымшасы іске қосылды, деп хабарлайды қалалық әкімдіктің баспасөз қызметі.
Аталған жоба қалаға келген туристерге ақпараттық қолжетімділікті қамтамасыз етіп, шаһар аумағында ұйымдастырылатын маңызды іс-шаралармен хабардар ету үшін туризм басқармасы тарапынан жүзеге асып отыр.
Портал мен мобилдік қосымша арқылы қалада өтетін мерекелік іс-шаралар мен туристік нысандарға билетті броньдау арқылы сатып алуға болады.
Сонымен қатар, салалық туризм мен туристік қызметтер, экскурсиялар мен турлар, шоппинг, қонақ үйлер мен хостелдер, әуе және теміржол билеттері, кәдесый өнімдері, мәдениет пен өнер туралы да ақпарат алуға мүмкіндік береді.
